MOVE hè a piattaforma di finanzamentu participativu chi's’indirizzà à i prugetti di i particulari, di l’associ è di l’imprisarii di Corsica.

Grazia à u so Situ Internet www.move.corsica, offre à i porta prugetti a pussibbilità di fassi finanzà da molti dunatori è mettifondi da per u mondu.
A piattaforma permette à tutte è à tutti, à prò di so mezi, di finanzà i prugetti di particulari, d’associ è d’imprese corsi.
Invistiscendu o dendu per via di a Piattaforma, i cuntribbutori sanu chi a spargna soia participeghja di manera attiva à u sviluppu di prugetti à palesu soiu è ch’elli sustenenu.

Dendu forza d’issa manera à a vita lucale u finanzamentu participativu permette di cuntribbui à u sviluppu ecunomicu è suciale di a Corsica.

Issu modu di u finanzà hè alternativu è vene in più à u sistema bancariu è finanzariu traddiziunale.
Permette a sprissione di sulidarità, dà sensu à l’invistisciture, crea leia…
I prugetti sustinuti da MOVE so prugetti isulani o prugetti di vicinanza à l’isula chì permettenu à issi valori d’infattà spressione cuncrette è purtarine d’avvene.

In cuncretu, MOVE favurizeghja a criazione, u sviluppu o ancu u sustengnu à associ, artigiani, cummercianti, imprese private o imprese di l’ecunumia suciale è suliddarie, purtarini di prugetti startups, patrimoniu culturale, storicu, linguisticu… è cuntribuì d’issa manera à a criazione di ricchezze è d’impieghi in Corsica.

MOVE accoglie 3 portaprugetti specifichi è duie sorte di finanzamenti:

Trè sorte di portaprugetti:
• • Particulari
• • Associ
• • Imprese
Duie sorte d’accumpagnu finanzariu di prugetti:
• • Doni (Crowdfunding) cun contraparte à partesi da 5 €, e campagne principianu supitu
• • Impresti (Crowdlending) cù interessi à partesi da 20 €. Prime campagne in Ghjugliu 2017
I finanzamenti saranu sfarentati sicondu a natura di u portaprugettu:
• • Per i particulari : Doni cù contraparte (Prudutti, Servizii)
• • Per l’Associ : Doni cù contraparte è/o impresti senza interessi in certi casi specifichi !
• • Per l’Intraprese : Doni cun contraparte è/o impresti cù interessi.

I finanzamenti via a Piattaforma sò à purtata di manu di tutt’ognunu.

A somma minima per fà donu hè di 5€ è si pò dà senza limita...

Pè i prugetti più imbiziosi o pè i cuntributori bramosi d’accumpagnà di manera singnificativa o durevule un’impresa o un associu d’interessu ginerale nantu à prugetti d’insirisione suciale, hè pussibbule d’impristà da 20 € à 2000€, cù prucediture lene è sicurizate.

MOVE dispone d’agrei legali nicissarii à a so attività rigulamintati, in prima l’agreu « d’interlezzu in finanzera participativa » Hè matriculata a u Rigistru Unicu di l’intermezi in garanzie, Banche è Finanze (ORIAS), Di a cummissione Naziunale di l’Infurmatica è di e Libertà (CNIL) è risponde à l’ubblichi di u Codice Munitariu è Finanzariu (CMF), di l’Auturità di Cuntrolu Prudenziale è di Risulvezza(ACPR), di a Direzzione Ginerale di a Cuncurenza, di a cunsummazione è di a Ripressione di e Frode.(DGCCRF) è di u trattamentu di u Rinsignamentu è azzione contru à i circuli finanzarii clandistini (TRACFIN).